生命之火歌词

作词 : རྨོག་རུ་ཤེས་རབ་རྡོ་རྗེ།
作曲 : ཞེད་པོ།
གཞས་པ། ཞེད་པོ།
༸སྲོག་གི་སྤེན་མ་འབར་བའི་མེ་ལྕེ།
༜ལམ་རིང་བོ་སྐྱིད་གསུམ་སྡུག་གསུམ ཉེ་རིང་ཆགས་སྡང
མི་ཚེ་དབྱར་དགུན་སྟོན་དཔྱིད ང་དང་ཁྱེད
ཁོ་དང་ཁོ་མོ༜
ལག་གི་ནག་ཚ་ཡིས་བྲིས་པའི་རི་མོ རི་མོ་མིང་མེད སེམས་ཀྱི་སྡེར་མོ་ཡིས་འཆིང་བའི་ཤ་ཁྲག ཤ་ཁྲག་རོ་མེད
གང་ནས་གང་ལ་མཆེད་པའི་དྲི་དང་ཚོར་བ སུ་དང་སུ་ལ་སྐྱེས་པའི་མིག་གི་ཚེར་མ
ནག་པོ དམར་པོ དཀར་པོ སེར་པོ
རླུང་གཡུགས་པས་ཆུ་གཡོས ཆུ་རིས་དར་སྐུད་ཤིག་ཤིག
ཆུ་འཕྱུར་པས་རླུང་གཡུགས རླུང་བུ་ཁྲི་རྟ་ཞོགས་ཞོགས
སྲོག་གི་སྤེན་མ་འབར་བའི་མེ་ལྕེ མེ་ལྕེ་དམར་པོ་ལྗང་ཁུ
འཁོར་བའི་ཐལ་བ་ཕྱར་བའི་ཟེགས་མ
ཟེགས་མ་མཐོང་མེད་རིག་མེད
འོད་ལ་སྒྲོན་པའི་ཕུགས་བསམ་དང་རྨི་ལམ ལམ་རིང་བོ
ལམ་རིང་བོ་སྐྱིད་གསུམ་སྡུག་གསུམ ཉེ་རིང་ཆགས་སྡང
མི་ཚེ་དབྱར་དགུན་སྟོན་དཔྱིད ང་དང་ཁྱེད ཁོ་དང་ཁོ་མོ
དམྱལ་བའི་གྲམ་ཐང་ནས་ཡང་འཕྲད་དང་བསྐྱར་འཕྲད
དགེ་སྡུག་གྲི་ཁ་ནས་ཕར་འགྱེལ་དང་ཚུར་འགྱེལ
ལས་ཀྱི་གཙང་བོ གཙང་བོ་རབ་མེད
སྐལ་བའི་ཡ་ཁོག་ནས་བྲུས་པས ས་ཆུ་མེ་རླུང
རྟེན་འབྲེལ་གྱི་ས་བོན ས་བོན་བྱེ་བ་ཁྲག་བརྒྱ
ས་བོན་བྱེ་བ་ཁྲག་བརྒྱ་སྨིན་དང་མ་སྨིན
རྣམ་ཤེས་བྱེ་བ་ཁྲག་བརྒྱ་འགག་དང་མ་འགག
སྣང་བའི་མེ་ཏོག་དང་འཇའ་ཚོན ཤོར་ཞོར་དང་འཛིན་ཞོར
དུག་ཁུས་བརླན་པའི་ངག་གི་ལོ་མ ལོ་མ་སྐམ་མ་རློན
ཡིད་ལ་བྲིས་པའི་ཆུང་འདྲིས་བྱམས་པ བྱམས་པ་ཉེ་མ་རིང
རིག་འཛིན་ཚངས་དབྱངས་རྒྱ་མཚོ བན་དེ་སྐྱ་མིན་སེར་མིན
སྲོག་གི་སྤེན་མ་འབར་བའི་མེ་ལྕེ ནམ་མཁའི་ཁྲོན་པ་བདག་མེད