一欉思念歌词

作词 : 柯大堡KoDaBow
作曲 : 柯大堡KoDaBow
编曲 : 黃少雍Huang Shao Yong/林逐Limtiok
制作人 : 黃少雍Huang Shao Yong

彼工天阁犹未光伊就行出门毋知影到底咧无闲啥

脚步无以早扭掠直直对庄仔内的庙口行
所有的物件拢贮贮伫遐一跤酒红色的木盛篮
伊讲就爱趁这马来庙埕天顶的神明拢有咧看

都市转来的孙仔一欉香就袂见攑
嫌讲过时的迷信就应该放予煞

双手合掌跪拜伫遐求伊来显灵圣
保庇外地拍拚的游子啊有一工会转来遮
伊讲若有业就替伊来担歹嘴毋是歹囝
祖传的香火望伊顾看代代平安就好啊

雄雄三更半暝仔接著电话声亻因老母喊伊紧赶尾班车
手面嘛开始凊汗怨叹予命运来戏弄
心肝头空空目眶也袂赴红上惊共伊来相闪
这阵才发觉无力通加作啥有偌疼

想起较早若心惊惶
伊就一步一步行向彼块拜垫

双手合掌跪拜伫遐求伊来显灵圣
保庇上惜伊的亲阿妈赶紧会转来遮
阁有诚济梦想欲讲予听世界有新的变化
那想那求目屎流袂煞

到最后伊跪拜伫遐恬恬来向天看
手头满载思念的金纸一叠掖过一叠
最后伊终于知影序大咧坚持啥
点著一欉香望伊好行代代平安就好啊
香火犹原搁伫遮