Ey Muhabbat歌词

作词 : olmas
作曲 : olmas
Ey muhabbat, munchalar fusunkorsan,
Ey muhabbat, orombaxsh beg`uborsan.
Ey muhabbat, gohida dilozorsan,
Ey muhabbat, qalbimda mudom borsan.
Ey muhabbat, qalbimda mudom borsan.

Mushtoqdurman doimo mehringga man,
Lol qolganman ko`rsatgan sehringga man,
Har yurakka tushirgan muhringga man.
Ey muhabbat, yoki sen sehrgarsan.
Ey muhabbat, yoki sen sehrgarsan.

O`ylamagan yurakni o`ylatasan,
O`ynamagan yurakni o`ynatasan,
Yig`lamagan dillarni yig`latasan,
Ey muhabbat, yoki sen hukmdorsan.

Yo`l qo`yasan ba’zida xatoga ham,
Barobarsan sen shohu gadoga ham.
Ne kulfatlar solmading Layloga ham,
Ey muhabbat, yoki sen jafokorsan.
Ey muhabbat, yoki sen jafokorsan.

Istardim men, dillarni kuydirmasang,
Hijronlarga aslo yo`l qo`ydirmasang,
Oshiqni ham jonidan to`ydirmasang,
Ey muhabbat, malhamu shifokorsan,
Ey muhabbat, Mo`minga madadkorsan.