无出脱的人歌词

作词 : Yolo
作曲 : Yolo

犹原希望呀望 原来是梦呀梦
iû-guân hi-bāng--iah-bāng guân-lâi sī bāng--iah-bāng

爱我一生平凡 我哪会甘愿
ài guá it-sing pîng-huân guá ná-ē kam-guān

亲爱的请你著原谅我
tshin-ài--ê tshiánn-lí tio̍h guân-liōng guá

歹势啦 阮又阁予你烦恼矣
pháinn-sè--lah gún iū-koh hōo-li huân-ló--ah

阮又阁予你失望矣
gún iū-koh hōo-li sit-bōng--ah

阁一遍蹧跶你的期待
koh tsı̍t-piàn tsau-that lí ê kî-thāi

歹势啦 生活充满著无奈
pháinn-sè--lah sing-ua̍h tshiong-buán--tio̍h bô-nāi

凡势你委屈在心内 毋捌讲出来
huān-sè lí uí-khut tsāi sim-lāi m̄-bat kóng--tshut-lâi

看日子一工一工过去 有偌无彩
khuànn ji̍t-tsí tsi̍t-kang-tsi̍t-kang kuè-khì ū guā bô-tshái

今日又期待明仔载
kim-ji̍t iū kî-thāi miâ-á-tsài

暗时毋甘困 早时毋敢起床
àm-sî m̄-kam khùn tsái-sî m̂-kánn khí-tshn̂g

惊又阁仝款的一工
kiann iū-koh kâng-khuán ê tsi̍t-kang

犹原希望呀望 敢讲是梦呀梦
iû-guân hi-bāng--iah-bāng kám-kóng sī bāng--iah-bāng

成功虽然遥远 我也会努力
sîng-kong sui-liân iâu-uán guá iá-ē lóo-li̍k

只有目屎含咧 笑予人看
tsí-ū ba̍k-sái kâm--leh tshiò hōo-lâng khuànn

犹原希望呀望 原来是梦呀梦
iû-guân hi-bāng--iah-bāng guân-lâi sī bāng--iah-bāng

爱我一生平凡 我哪会甘愿
ài guá it-sing pîng-huân guá ná-ē kam-guān

亲爱的请你著原谅我
tshin-ài--ê tshiánn-lí tio̍h guân-liōng guá

无出脱的人
bô tshut-thuat ê lâng

Verse2
歹势啦 我从来毋是乖囡仔
pháinn-sè--lah guá tsiông-lâi m̄-sī kuai-gín--á

阮总是古意又顸颟
gún tsóng-sī kóo-ì iū han-bān

跤步较重 也一步步行
kha-pōo khah-tāng iā tsı̍t-pōo-pōo kiânn


就算到尾来 拢无彩工
tiō-sǹg kàu-bué--lâi lóng bô-tshái-kang
我也会家己承担 啊～
guá iā-ē ka-kī sîng-tam ah
只有阁相信家己一摆
tsí-ū koh siong-sìn ka-tī tsı̍t-pái


我毋敢向望 也毋甘你等待我
guá m̄-kánn ǹg-bāng iā m̄-kam lí tán-thāi guá
我心爱的人
guá sim-ài ê lâng