秀巴歌词

作词 : 琼桑
作曲 : 尕太加
ཤུག་པ།
 གླུ་ཚིག ཁྱུང་བཟང།
དབྱངས། དཀའ་ཐུབ་རྒྱལ།
རོལ་མོ། དཀའ་ཐུབ་རྒྱལ། 
གཞས་པ། རིག་འཛིན་ཐར།
འབྲུ་ཤུག་རྩ་བ་བྲག་དམར་ཐེམ་ནས་རྒྱས།།
ཙད་ནག་ཀླད་ནས་འཁོར་ཀྱང་རུང་།།
འབྲུ་ཤུག་རྩེ་མོ་སྤྲིན་པའི་ཀློང་ན་གཡོ།།
རླུང་ནག་ས་ནས་འཚུབ་ཀྱང་རུང་། 
འབྲུ་ཤུག་རྩེ་བརྒྱའི་ལང་ཚོ།།
མི་འགྱུར་སྲོག་གིས་བཟུང་ཡོད།།
སྤྱང་ཚོགས་ངར་སྐད་དབུས་ན།།
འཇག་སྐྱའི་ཤུགས་གླུའི་ཁྲོད་ན།།
གཡང་ཁྱིམ་བསང་གི་མེ་ཁ།།
ལྷ་ཤིང་ཤུག་པས་གསོས་ཡོད།།
དད་པའི་ཟུག་གཟེར་ཁྲོད་ན།།
སྨོན་པའི་ངུ་ངག་བར་ན།།
ལྷ་ཤིང་འབྲུ་ཤུག་སྔོན་མོ།།
མི་གཙང་འཇོམས་པའི་མཚོན་ཆ།།
ལྷ་ཤིང་འབྲུ་ཤུག་སྔོན་མོ།།
ལེགས་ཚོགས་འདྲེན་པའི་ཤིང་རྟ།།
འབྲུ་ཤུག་རྩ་བ་བྲག་དམར་ཐེམ་ནས་རྒྱས།།
ཙད་ནག་ཀླད་ནས་འཁོར་ཀྱང་རུང་།།
འབྲུ་ཤུག་རྩེ་མོ་སྤྲིན་པའི་ཀློང་ན་གཡོ།།
རླུང་ནག་ས་ནས་འཚུབ་ཀྱང་རུང་།