饮啖茶歌词

作词 : MC JIN
作曲 : TAYLOR, STEFON
饮啖茶 食个包 饮啖茶 食个包
饮啖茶 食个包 饮啖茶 食个包

约咗十点半　十点半一定要到
咁早系去系饮茶仲有乜嘢可以去做
唔介意搭台嘅嘢食可以即刻到口
唔想搭台嘅就大约十五分钟左右
冇办法啦　宁愿等一等都唔想同人逼
我同你话晒大家根本都唔系相识
我有我　你有你 　你饮香片我饮普洱
我地根本就唔夹　所以有得避就要避
饮茶根本净系得个嘈
最紧要系啲嘢食全部热辣辣岩岩新鲜出炉
饮茶净系得个嘈
最紧要系啲嘢食全部热辣辣岩岩新鲜出炉

饮啖茶　食个包　饮啖茶　食个包
饮啖茶　食个包　饮啖茶　食个包

我地做个比例　如果点心系一套戏
虾饺一定会做主角　因为佢实在太好味
唔系点解次次出场先 都系佢落台
我话虾肠唔系牛肠　唔该帮我改一改
啲糯米鷄太热　所以我次次慢慢咬
唔该要一碟排骨　同埋嚟多两笼凤爪
啲蛋挞唔够热唔该你帮我叮一叮
请问啲叉烧包究竟系焗嘅定系蒸
啲萝卜糕最紧要煎得好
再系上便加一啲海鲜酱就可以即刻摆落肚
啲萝卜糕最紧要煎得好
再系上便加一啲海鲜酱就可以即刻摆落肚

饮啖茶　食个包　饮啖茶　食个包

你唔饱　饮茶有哩一下方便
可以叫碟乾炒牛河或者海鲜炒面
食唔晒嘅可以打包　做人悭得就要悭
等我饮埋哩啖茶　就叫个伙计买单
嗱　我而家就去一去洗手间
上次你请　今次等我俾　千其咪嚟同我争
嗱 嗱 上次你请啊　今次噉系到我嘅啦
嗱 系咪朋友先　系朋友嘅就唔好同我争啊
喂　大家自己人争咩嘢啫　紧系等我俾
你唔系呀　你唔系搵交嗌呀嘛
饮茶你都要搵交嗌　喂　等我俾啦

饮啖茶　食个包　饮啖茶　食个包
饮啖茶　食个包　饮啖茶　食个包