舞台歌词

作词 : 黄昺翔/武雄
作曲 : 萧煌奇
编曲 : 吴加恩
粉按呢敢会伤白 衫按呢敢会伤狭
无熟的词 敢佫爱重背
这马敢佫有机会 换一双皮鞋
问时间佫䞐偌济 问声音敢有OK
揭着麦克 我准备好势
揭着麦克 汝准备好未
一曲锣鼓起场频频送 毋知台骹几个侬
未曾上台两袖已经澹 心茫茫骹步愈沉重
一步步行上台 佫紧张佫真期待
心跳遘遮尔厉害 无日无暝着是为着现在
掌声小鼓励一下 请问敢会使
爱偌济 其实我心内早着会知
这着是今生我的最爱
揭着麦克 感觉上自在
揭着麦克 毋惊有阻碍
这马开始这是我的时代 我的天下 我的舞台
满腹的爽快佮无奈 拢想欲唱予侬知
毋捌咧惊失败 我欲唱遍全世界
父母的忍耐 爱人的等待
朋友的剾洗 莫讲我拢毋知
侬笑我双手空空 我感觉颠倒轻松
若看侬假鬼假怪 假仙假敖 我着共伊拆
我知影总有一工 汝会认着我的名 我的歌
徛伫舞台顶 对命运唱声
一幕双勾水袖盖迷侬 换去青春数十冬
缚戏人生苦旦叹红颜 时代也渐渐到坎站
为生活为将来 不管是委屈无奈
不管是海角天涯 飞东飞西来佮逐家熟事
掌声请鼓励一下 来替我徛台
爱偌济 其实我心内早着会知 
这着是今生我的最爱
若有麦克 着是舞台 着是舞台
一摆佫一摆 照镜对家己讲汝一定会使
三教九流拢炤过来 麦克揭着台顶我上否
毋管对我敢有熟事 我着是遮尔精彩
汝会大声拍噗仔讲这个少年仔其实真正袂䆀
半暝摕着落南的车票流目屎
从来毋敢向望厝里序大会当谅解
谢天谢地时机䆀䆀 则无共我恿否
徛踮这个舞台 我有我的光彩
一场烟花煞戏手揭悬 谢别青春舞台梦
越头胭脂暗淡心相共 是新侬换旧侬免送
想过去想未来 最感恩汝的关怀
拢囥咧我的心内 一点一滴真正有够厉害
掌声佫鼓励一下 催予通侬知
爱偌济 其实我心内早着会知 
这着是今生我的最爱
揭着麦克 我看着世界 
揭着麦克 我自由自在
风咧吹拢无关系 歌欲点佫有真济 
有缘相会 我一定奉陪
趁这马这个机会 讲出心内话
毋管伊青春佫䞐偌济 只要有逐家继续鼓励
揭着麦克 天下是我的
揭着麦克 天下是咱的
徛在舞台 毋愿讲再会