淡水暮色歌词

淡水暮色




日頭將卜沉落西，水面染五彩，
男女老幼咧等待，漁船倒轉來，
桃色樓窗門半開，琴聲訴悲哀，
啊....幽怨的，心情無人知。


朦朧月色白光線，浮出紗帽山，
河流水影色變換，海風陣陣寒，
一隻小鳥揣無伴，歇在船頭岸，
啊....美妙的，啼叫動心肝。


淡水黃昏帶詩意，夜霧罩四邊，
教堂鐘聲心空虛，響對海面去，
埔頂燈光真稀微，閃閃像天星，
啊....難忘的情景引心悲。