背水姑娘(藏语)歌词

སྐྱ་རེངས་སྐྱ་མཐའ་བཀྱགས་སོང་།
རྩྭ་མགོའི་ཟིལ་པ་འཛུམ་སོང་།
བྱིའུ་ཆུང་གསུང་སྐད་ཀྱུར་ཀྱུར།
བུ་མོ་གཉིད་ལས་དཀྲོགས་སོང་།
རིགས་བཟང་ཆུ་ལེན་བུ་མོ།
ལུས་ལ་རྒྱན་ཆ་སྤྲས་ནས།
གཡང་གི་ཆུ་ཟོམ་ཁ་ལ།
འབྲི་མར་སེར་པོས་བརྒྱན་སོང་།
སླས་སྐྲ་རྒྱབ་ལ་གཡུགས་སོང་།
རྨ་བྱའི་སྒྲོ་གར་ཕུབ་འདྲ།
ཟིལ་ཆུ་ལྷམ་མགོར་ལེན་སོང་
ལྷམ་ལ་མུ་ཏིག་གཏོར་འདྲ།
རིགས་བཟང་ཆུ་ལེན་བུ་མོས།
བསམ་དོན་ཆུ་ལ་བཅོལ་ནས།
སྟེང་ཕྱོགས་ཨ་སྔོན་གནམ་ལ།
ཆུ་ཕུད་ལན་གསུམ་མཆོད་སོང་།
ཨ་ཨ
ཆུ་ལེན་བུ་མོ།
ཨ་ཨ
ཆུ་ལེན་བུ་མོ།
ཚེ་གཅིག་ལུས་ཐོག་འདི་ལ།
མི་རྟག་འཁོར་བའི་སྐྱིད་སྡུག།
ཆུ་ལེན་བུ་མོའི་ལས་དབང་།
ཆུ་ཟོམ་གཉིས་ལ་བསྐོས་སོང་།

བརྩེ་ཞེན་སྐྱོགས་ལ་གཅུས་སོང་།
ཆུ་ཟོམ་འདུན་པས་བཀང་སོང་།
ལྡེམ་ལྡེམ་ཡང་བའི་གོམ་འགྲོས།
ཆུ་ལེན་ཁྱིམ་ལ་སླེབས་སོང་།
རིགས་བཟང་ཆུ་ལེན་བུ་མོས།
ཁྱིམ་ལ་ཆུ་ཐབ་བསྒྲིགས་ནས།
སྦྲ་ནག་གྲུབ་བཞིའི་སྟེང་ལ།
དུ་བའི་འཇའ་རིས་འཁྲིགས་སོང་།
ཨ་ཨ
ཆུ་ལེན་བུ་མོ།
ཨ་ཨ
ཆུ་ལེན་བུ་མོ།
ཚེ་གཅིག་ལུས་ཐོག་འདི་ལ།
མི་རྟག་འཁོར་བའི་སྐྱིད་སྡུག
ཆུ་ལེན་བུ་མོའི་ལས་དབང་།
ཆུ་ཟོམ་གཉིས་ལ་བསྐོས་སོང་།
ཆུ་ཟོམ་གཉིས་ལ་བསྐོས་སོང་།