粒粒皆辛苦（Cover 农夫）歌词

再兜个圈，再转个弯，天天有难度
再经过起跌高到低，先知粒粒、
亦都再兜个圈，再转个弯，几千里长路，
结婚戒指变出世纸，先知粒粒、亦辛苦~
C：第一次、mark大眼、睇个世界嗰时，
Daddy、Mammy，话做人唔容易
学一二三去到学A B C
第一次、学行，跌咗唔止一次
啲考试每次都临急至温书，
啲同学、每个都曾经暗恋Miss
嗰时、仲未知，粒粒皆辛苦系一回乜嘢事~
再兜个圈，再转个弯，天天有难度，
结婚戒指变出世纸，先知粒粒、亦辛苦~
6：嗰晚、放榜前一晚，三点三十分都未瞓
听日有三分、定系有十分
净系知道有不同嘅学历有不同嘅人生
谂~揽住个枕头谂~揸住呢个分数，点样面对老豆
即刻捐入被窦，kum~大被kum过头~原来谂得多过头
十九转眼变咗廿九，发线开始向后、准备三十出头
浮浮沉沉九年嚟冇份工做得长久
寻寻觅觅九年嘅女朋友终于分手
好多新朋友、喺街头重遇旧朋友、唔知点样问候~
收到新朋友嘅喜讯，转个头，收到旧朋友嘅死讯
人生无常从来唔系几信
一啖一啖酒灌落心头，听朝又八点九
一步一步走嘅一个一个年头、为咗走去尽头
“一粒一粒都系辛苦嘅”，嗰日终于接受~
再兜个圈，再转个弯，天天有难度，
再经过起跌高到低，先知粒粒、
亦都再兜个圈，再转个弯，几千里长路，
结婚戒指变出世纸，先知粒粒、亦辛苦~
过咗两年突然结咗婚，朋友问、
做乜咁笨、要做老衬
可能只系想搵个人、一世一齐瞓
又或者系为咗赚笔人情去旅行
老婆话要尽责任、要秘密做人
好想问自己一问、俾唔俾BB出生
做咗几十年人，好似苦多过甘
又要搵银又要忟憎又冇几多嘢值得开心
转头父母过身~朋友移民
以前落酒吧一班人，今日啲啤酒自己饮
饮到醉醺醺，凉风阵阵，几辛苦都行咗大半个人生
终于~知道~ （粒粒皆辛苦）
终于~知道~ （粒粒、皆辛苦）
终于~知道~~终于~知道~~
再兜个圈，再转个弯，天天有难度，
再经过起跌高到低，先知粒粒、
亦都再兜个圈，再转个弯，几千里长路
结婚戒指变出世纸，先知粒粒、亦辛苦